Gleðilegan snjó félags og áhugamenn um Suzuki Bifreiðar!

Í gærkvöld ræddum við um Tálknafjarðarferð, viðstaddir voru Ég, Arngrímur, Óli og Smári.

Allir höfðum við áhuga á því að koma að þessari ferð á einn hátt eða annan.


Enginn okkar virtist þó treysta sér í þann langa akstur sem myndi eiga sér stað, ég lagði til að fyrst færum við nokkrir á einhverjum litlum eyðslulitlum bíl og skoðuðum góssið, hvað þarna væri að finna, hversu margir bílar þarna væru eigulegir(hve margar kerrur við þyrftum að hafa með okkur næst)

og einnig að sjá hvaða varahlutir eru í boði(sjá hve margar eða hve stóra kerru við þurfum í það)


Engin dagsetning hefur þó verið ákveðin og því mæli ég með því að Gunni og þeir sem hafa verið í sambandi við mannin þarna komist að einhverri niðurstöðu um dagsetningu sem við gætum komið að skoða. Svo leggðum við allir einhvern aur í púkk fyrir bensíni á "eyðslulitlum bíl" og keyrðum áleiðis til Tálknafjarðar.



Mér var send þessi mynd af bíl sem stendur við bæinn Lambeyri, gegnt Tálknafirði, eins og ég skildi það þá var þessi bíll falur, en hann lítur sæmilega út, nema afturhleri er ónýtur úr ryði og einhver vinna við hjólskálar neðarlega aftan við hjól. Þessum þyrfti að bjarga því þarna stendur hann niður við sjó og mun hverfa á næstu árum...

Fundur verður haldinn fyrir áhugasama menn um för til Tálknafjarðar á næstunni að skoða nokkrar súkkur

Við ætlum að hittast á sama stað og venjulega við Kleppsveg, klukkan átta á föstudagskvöldið næsta, 2 október.

Á fundinum næsta þriðjudag verður m.a. rætt um eftirfarandi

• Hvort breyta skuli að einhverju leyti næstkomandi fundum, svo sem tíma og staðsetningu

• Hvort við eigum að fá tilboð í límmiðahönnun fyrir bílana og einnig að fá uppteiknað lógó fyrir klúbbinn

• Hvort við eigum að bjóða upp á auglýsingar á síðunni gegn örlítilli þóknun til að koma til móts við rekstrarkostnað hennar.

Ég hvet ykkur sem flest til að mæta á fundinn, sem haldinn er eins og vanalega hingað til á Kleppsveginum í kjallaranum undir Adam og Evu klukkan átta og segja ykkar skoðun, þeir sem ekki geta mætt geta einnig tjáð sig í spjallþræði á spjallinu



http://sukka.is/e107_plugins/forum/forum_viewtopic.php?829.post

Ákveðið var að hittast á Laugardagsmorgni þann 15. kl 8 við Select við Rauðavatn, sami staður og síðast.

Þaðan verður keyrt áleiðis til hellu þar sem Gunni og Helga bætast væntanlega í hópinn, svo liggja vegir til allra átta, mín hugmynd var að fara lengra upp á sand en við gerðum síðast, jafnvel alla leið norður í Laugafell og gista, og fara einhverjar krókaleiðir til baka.

Bara hugmynd, ekkert er fast en þetta verður ákveðið þegar nær dregur ferðinni eða í ferðinni.

Ekkert hefur verið ákveðið með sameiginlegan kvöldverð þannig ég vænti að fólk komi sjálft með mat og grill fyrir laugardagskvöldið.

Talað var um að fara í jeppaferð helgina 14 Ágúst

Enn er óákveðið hvert verður farið eða hverjir fara og hvenær


þar sem svo mikil óvissa er uppi um ferðina bið ég ykkur öll sem ætlið ykkur að mæta í ferðina, eða hafið vott af áhuga á því að mæta, að mæta á næsta fund sem verður þriðjudaginn 11 ágúst á kleppsveginum.



Við verðum að gera amk. eina almennilega sumarferð í viðbót áður en fer að kólna og það þarf helst að vera áður en skólar byrja sem er kringum 20 ágúst, þannig við höfum í raun bara þessa helgi lausa.


Koma svo og nýliðar endilega látið sjá ykkur

Vill minna á næsta fund sem er á þriðjudaginn næsta, sem sagt á morgunn. Allir að reyna mæta sem ætla sér að koma í næstu ferð sem verður að öllum líkindum helgina 14-15. ágúst. Á fundinum verður ákveðið hvert verður farið.

Eftir vel heppnaða súkkuferð í Lambhaga hefur verið .... tja ákveðið að leggja í aðra jeppaferð þann 17 júlí.

Nánari umræður um þetta eru á spjallinu undir "Hittingar".


Myndir úr Lambhaga ferðinni ásamt myndskeiðum og "ferðasketchum" eru komnir í flokkinn "Myndir".


Gleðilegt súkkusumar!

Ákveðið var í gærkvöldi, eftir nokkurt þref og humm og jaml og japl, að halda í óbreytta ferðaáætlun. Því hefur verið ákveðið að treffpunktur verði á Olís við Rauðavatn kl 8:00 þann 20. júní nk. og að lagt verði af stað eigi síðar en skömmu síðar. Þá verður ekið inn í Landmannalaugar um Dómadal og þeir sem vilja fá sér sundsprett. Ef áhugi er fyrir því er hægt að grilla pullur (pyllur) eða eitthvað annað í hádegismat. Gera þarf ráð fyrir að borga aðstöðugjald sem er 400kr fyrir þá sem nýta sér sturtur eða grill.
Síðan er ráðgert að halda sömu leið til baka og slá upp tjaldbúðum í Lambhaga (suð-vestan við Búrfell) en þar er prýðilegt tjaldstæði sem er ókeypis í þokkabót.
Þá verður um kvöldið sameiginlegur kveldmatur og mun Helga Kol sjá um innkaup

Fundur verður haldinn í aðstöðunni að Kleppsvegi þann 16 júní kl 8.

Nánari uppl. um staðsetningu er hægt að fá hjá gildum meðlimum, og mér í síma 8458799.

Æskilegt væri að allir þeir sem í ferðina ætla mæti á fundinn og tilgreini þar hvort þeir verði með í hóp-mat eða komi sjálfir með mat.

Á fundinum verður ýmislegt ákveðið svo sem klukkan hvað og hvorn daginn skal leggja af stað, hvar skal gista og hvaða leiðir verða farnar í nágrenni dvalarstaðar.

Langbest af öllu væri að fá heildartölu þeirra sem mæta þannig þó svo farþegar mæti ekki á fundinn viti bílstjóri amk. hve marga farþega hann hefur svo við vitum hvað þarf að sjá fyrir.


kv. Sævar.

Fundur 16!!