Bjarni Freyr heiti ég og er 17 ára piltur úr Hafnarfirði. Ég eignaðist minn annan bíl og mína fyrstu súkku núna í febrúar 2013 og varð alveg heillaður um leið.
Ég keypti bílinn, sem er af gerðinni Sidekick Sport, 33" breyttan og hef aðeins verið að dunda mér í honum síðan, þurfti að stytta plastsílsana aðeins, bæta við útvarpi og svoleiðis smáhlutir sem ég hef þurft að gera og á nokkurt eftir líka.
Ef einhver þekkir til bílsins, eða er jafnvel fyrri eignadi, þætti mér gaman að fá að heyra í honum og vita hvernig bíllin var áður en ég eignaðist hann.
Jájá, þetta er fínasti bíll, mikið en gott stökk úr corollunni. En þetta er nú eilífðarverkefni sem mun þarfnast smá lagfæringar hér og þar það sem eftir er, eins og með flesta svona bíla.
Annars er ég mjög ánægður með hann og allt sem honum fylgir.
Svona í tilefni mánaðarmóta og þess að aðalljóskerin lýsa andsk** ekki neitt í myrkri var splæst í þetta kastarapar. Kostaði ekki nema 9.500 kr. og eru bara nokkuð góðir kastarar.
Núna er það bara að misnota aðstöðu sína sem rafvirkjanemi í Iðnskólanum í Hfj og fá málmkallana til að smíða bracket fyrir sig svo að það sé nú hægt að koma þessu fyrir, tek myndir af ferlinu og pósta hér